उद्योग वाणिज्य संघ निर्वाचन : काफ्ले र भण्डारी समूह मतदाता रिझाउने अन्तिम कसरतमा

उद्योग वाणिज्य संघ इटहरीको नयाँ नेतृत्व चयनका लागि शनिबार (असार २७) निर्वाचन हुँदैछ। अध्यक्ष पदमा नवराज काफ्ले र गायत्री कट्वाल भण्डारीबीच प्रतिस्पर्धा हुने भएकाले दुवै समूह मतदाता रिझाउने अन्तिम कसरतमा जुटेका छन्।

अध्यक्षका उम्मेदवार नवराज काफ्ले समूहले शुक्रबार पत्रकार सम्मेलन गर्दै आठबुँदे संकल्पपत्र सार्वजनिक गरेको छ। काफ्ले समूहले ‘दिउँसो वा रात, व्यवसायीको साथ’ भन्ने मूल नारालाई अघि सार्दै व्यवसायीका समस्या जुनसुकै समयमा पनि सम्बोधन गर्ने प्रतिबद्धता जनाएको छ।