सर्लाहीमा पनि पेट्रोल खन्याएर आत्मदाह प्रयास, अवस्था गम्भीर

सर्लाहीको गोडैता नगरपालिका–१० का ४२ वर्षीय विवेक मण्डलले आफ्नै शरीरमा पेट्रोल खन्याएर आत्मदाहको प्रयास गरेका छन्। घटनामा गम्भीर घाइते भएका उनको अवस्था चिन्ताजनक रहेको प्रहरीले जनाएको छ। मण्डलको उद्धारका लागि काठमाडौंबाट हेलिकप्टर सर्लाही प्रस्थान गरेको छ।

राष्ट्रिय स्वतन्त्र पार्टी (रास्वपा) का सांसद डा. अमरेशकुमार सिंहले सामाजिक सञ्जालमार्फत घटनाबारे जानकारी दिँदै मण्डलको अवस्था नाजुक रहेको उल्लेख गरेका छन्। उनले घटनाबारे प्रधानमन्त्री, गृहमन्त्री तथा सम्बन्धित निकायलाई जानकारी गराइसकेको र घाइतेको शीघ्र उद्धार तथा उपचारको व्यवस्था गर्न आग्रह गरेको बताएका छन्।