७ वर्षमै फुटबल यात्रा सुरु, ११ वर्षीया सजनी तामाङ ‘लिटिल मेस्सी’का रूपमा चर्चित

नवलपुर जिल्लाकी ११ वर्षीया प्रतिभाशाली बालिका सजनी तामाङ यतिबेला फुटबल मैदानमा आफ्नो उत्कृष्ट प्रदर्शनका कारण ‘लिटिल मेस्सी’ उपनामले चर्चित बन्दै गएकी छन्।

सजनीले केवल ७ वर्षको कलिलो उमेरदेखि फुटबल खेल्ने सपना बोकेर मैदानमा पाइला टेकेकी थिइन्। निरन्तरको मेहनत, लगन र उत्कृष्ट खेल कौशलका कारण उनी अहिले स्थानीय तथा जिल्ला स्तरका विभिन्न फुटबल प्रतियोगितामा आफ्नो छुट्टै पहिचान बनाउन सफल भएकी छन्।