महालक्ष्मी विकास बैंकले ज्ञानेश्वरमा कफी लाउन्जसहितको डिजिटल हब सञ्चालनमा ल्यायो

काठमाडौँ / महालक्ष्मी विकास बैंकले काठमाडौँ महानगरपालिका–३०, ज्ञानेश्वरमा कफी लाउन्जसहितको डिजिटल हब सञ्चालनमा ल्याएको छ। बैंकका सञ्चालक समितिका अध्यक्ष राजेश उपाध्यायले बिहीबार आयोजित कार्यक्रममा डिजिटल हबको औपचारिक उद्घाटन गरेका हुन्। कार्यक्रममा सञ्चालक समिति, प्रमुख कार्यकारी अधिकृत (सीईओ), उच्च व्यवस्थापनका पदाधिकारी तथा बैंकका कर्मचारीहरूको उपस्थिति रहेको थियो।

बैंकले डिजिटल बैंकिङ सेवालाई थप आधुनिक, सुरक्षित, प्रविधिमैत्री र ग्राहकमैत्री बनाउने उद्देश्यका साथ डिजिटल हबमा कफी लाउन्जको सुविधा पनि थप गरेको जनाएको छ।