सफ्टवेयरको काम गर्ने बहानामा अनलाइन जुवा र सट्टेबाजी, भारतीयसहित ८ जना पक्राउ

कास्की । कास्कीको पोखरामा अनलाइन जुवा तथा सट्टेबाजी खेलाइरहेको अवस्थामा सात जना भारतीय नागरिकसहित आठ जनालाई प्रहरीले पक्राउ गरेको छ।

पोखरा महानगरपालिका वडा नम्बर १८ सेदीस्थित जीवन श्रेष्ठको घरमा अनलाइन गेम तथा ब्याटिङ खेलाउने गरेको गोप्य सूचनाका आधारमा शुक्रबार बिहान उनीहरूलाई पक्राउ गरिएको हो।