सुरुङबाट निस्केर बाँच्नेको भोगाइ– ....बाँकी दैवले नै जानोस्

उत्तरगंगा (रसुवा) । भदौ १० गते रसुवाको भोटेकोशीमा बाढी आएपछि अपर त्रिशूली जलविद्युत् आयोजनाको सुरुङमा काम गर्दै गरेका ३५० जनाभन्दा धेरै कर्मचारीलाई नेपाली सेनाले १० र ११ गते उद्धार गरेको थियो ।

त्यसैमध्ये अपर त्रिशूली– १ (२१६ मेगावाट) को सुरुङमा फसेका ४० जनाको उद्धार पनि पर्छ । त्यही सुरुङमा झन्डै अढाई घण्टा थुनिएर, बाढीको लेदोमा तीन किलोमिटर घस्रिँदै, पौडेर बाँच्न सफल हुनेमा ५३ वर्षीय लीलानाथ न्यौपाने पनि पर्छन् ।