विपदमा सरकारलाई कांग्रेसको साथ, तर सुरुङ प्रकरणमा उठायो प्रश्न

काठमाडौँ । नेपाली कांग्रेसले भोटेकोशी बाढीपछिको उद्धार र राहत कार्यमा सरकारलाई पूर्ण सहयोग गर्ने प्रतिबद्धता जनाउँदै सुरुङभित्र फसेकाहरूको उद्धारमा भएको ढिलासुस्तीप्रति भने आपत्ति प्रकट गरेको छ ।

प्रतिष्ठानका प्रमुख एवं पार्टीका उपसभापति विश्वप्रकाश शर्माको अध्यक्षतामा बसेको आठौँ बैठकले विपद्को समयमा सबै राजनीतिक विमतिभन्दा माथि उठेर सरकारलाई सघाउने नीति तय गरेको छ । तर, बाढीका कारण सुरुङभित्र फसेका इन्जिनियर र श्रमिकहरूको उद्धारमा सरकारले देखाएको ‘अकर्मण्यता’ प्रति कांग्रेसले कडा आलोचना गरेको छ ।