हाइटीमा श्रीलङ्काली सुरक्षा टोली परिचालन

काठमाडौँ । गिरोह हिंसाले वर्षौंदेखि सङ्कटग्रस्त बनेको हाइटीमा संयुक्त राष्ट्रसङ्घ समर्थित नयाँ अन्तर्राष्ट्रिय गिरोह दमन बल (जिएसएफ) मा श्रीलङ्काको सुरक्षा टोली सहभागी भएको छ । संयुक्त राष्ट्रसङ्घ समर्थित उक्त बलले हाइटीको राष्ट्रिय प्रहरीलाई सशस्त्र गिरोहमाथि नियन्त्रण कायम गर्न सहयोग गर्नेछ ।

जिएसएफका एक प्रवक्ताका अनुसार श्रीलङ्काली टोली बुधबार राति पोर्ट–अउ–प्रिन्स पुगेको हो । परिचालन सुरक्षाका कारण टोलीको सदस्य सङ्ख्या सार्वजनिक नगरिएको उनले बताए । बलको क्षमता विस्तार गर्ने योजनाअन्तर्गत आगामी केही सातामा थप सुरक्षा टोली पनि परिचालन गरिने जनाइएको छ ।