फोनको स्वास्थ्य जाँच गर्न प्ले स्टोरमा देखिन थाल्यो एन्ड्रोइड पल्स

९ भदौ, काठमाडौं । गुगलको ‘एन्ड्रोइड पल्स’ नामको एप केही एन्ड्रोइड फोनमा प्ले स्टोरको अपडेट सूचीमा देखिन थालेको छ ।

तर, यो फेसबुक, टिकटक वा क्यामेराजस्तो प्रयोगकर्ताले खोलेर चलाउने एप होइन । यो फोनको ब्याकग्राउन्डमा बसेर काम गर्ने गुगलको सर्भिस हो, जसले फोन तथा एपहरूले ब्याट्री, मेमोरी र फोनमा के असर गरिरहेको छन् भनेर बुझ्छ । तिनमा काम गर्ने क्षमता अस्वाभाविक रूपमा प्रयोग गरिरहेका छन् कि छैनन् भन्ने पत्ता लगाउन सहयोग गर्छ ।