८०१ सवारीबाट ५५ लाखसम्म : नाडा अटो शोको स्वर्ण जयन्ती संस्करण किन विशेष ?

काठमाडौं । भृकुटीमण्डपमा मंगलबार (भदौ ९) देखि सुरु हुने नाडा अटो शो २०२६ केवल नयाँ गाडी, मोटरसाइकल र प्रविधि प्रदर्शन गर्ने अर्को अटोमोबाइल प्रदर्शनी मात्र होइन । यो नेपालको अटोमोबाइल क्षेत्रले पार गरेको करिब पाँच दशक लामो यात्राको एउटा विशेष संस्करण हो ।

नाडा अटोमोबाइल्स एसोसिएसन अफ नेपाल स्थापना भएको दुई वर्षपछि, सन् १९७७ मा नेपालभर वर्षभरिमा जम्मा ८०१ वटा नयाँ सवारीसाधन दर्ता भएका थिए । आज देशमा करिब ५५ लाख सवारीसाधन दर्ता छन् । नयाँ सवारी दर्तामध्ये करिब ८४ प्रतिशत हिस्सा मोटरसाइकलको छ । यो तथ्यांकले सामान्य नेपालीको दैनिक आवागमनको वास्तविकता र नेपालको अटोमोबाइल बजार कसरी विस्तार भयो भन्ने स्पष्ट देखाउँछ ।