भीडभाडबाट सुनसान बनेको हिमाली बजार सल्लेरी

सोलुखुम्बु– सल्लेरी बजार कुनै समय यस्तो थियो, जहाँ ग्राहकको भीडले व्यापारीलाई हैरान बनाउँथ्यो। आज त्यही सल्लेरीमा पसलहरू खुला छन्। तर ग्राहकको प्रतीक्षामा व्यापारीका आँखा थाक्न थालेका छन्।

हिमाली जिल्ला सोलुखुम्बुको सदरमुकाम सल्लेरी कुनै समय निकै व्यस्त बजारका रूपमा चिनिन्थ्यो। कुनै समय यही बजारमा ग्राहकको भीडले व्यापारीलाई सास फेर्नसमेत फुर्सद हुँदैनथ्यो। होटलमा कोठा पाउन गाह्रो हुन्थ्यो। सरकारी कार्यालयहरू सेवाग्राहीले भरिभराउ हुन्थे। सडकमा मानिसको ओहोरदोहोरले बजार जीवन्त देखिन्थ्यो।