गणेश नेपालीका परिवारलाई रोजगारी र निःशुल्क शिक्षा दिने काठमाडौँ महानगरको घोषणा

काठमाडौं । राहदानी विभाग अगाडि आत्मदाहको प्रयास गरेका मुगुका गणेश नेपालीको उपचारका क्रममा निधन भएपछि काठमाडौं महानगरपालिकाले परिवारलाई मानवीय सहयोग, रोजगारी र सन्ततिलाई निःशुल्क शिक्षा उपलब्ध गराउने घोषणा गरेको छ।

महानगरका प्रवक्ता नवीन मानन्धरले शुक्रबार जारी गरेको विज्ञप्तिमा दिवंगत नेपालीका परिवारलाई मानवीय सहयोग उपलब्ध गराउने, रोजगारीको व्यवस्था गर्ने तथा सन्ततिलाई निःशुल्क शिक्षा दिने विषयमा विधिसम्मत रूपमा कार्यपालिका बैठकबाट निर्णय गरिने उल्लेख गरिएको छ।