बेमौसमी तरकारीबाट दैनिक लाखौँ कमाइ

मस्र्याङ्दी गाउँपालिका–८, भुस्मेमा उत्पादन भएका बेमौसमी ताजा तरकारी अहिले जिल्लाका विभिन्न बजारमा पुग्न थालेका छन् । गाउँमा उत्पादन भएका काउली, हरियो काँक्रो, विभिन्न प्रकारका सागलगायत तरकारी बेसीशहर, खुदी र भुलभुले बजारमा बिक्रीका लागि दैनिक ढुवानी हुने गरेका छन् ।

स्थानीय किसानले व्यावसायिक रुपमा तरकारी खेती विस्तार गरेसँगै उत्पादनमा उल्लेख्य वृद्धि भएको हो । भुस्मेको चिसो हावापानी र अनुकूल वातावरणका कारण अन्य स्थानमा सहजै उत्पादन नहुने बेमौसमी तरकारीसमेत राम्रो उत्पादन भइरहेको किसानहरुको भनाइ छ ।