फोहर व्यवस्थापनलगायतका विषयमा बालेनको ध्यानाकर्षण गराउने मेयर्स फोरमको निर्णय

काठमाडौँ । काठमाडौँ उपत्यका मेयर्स फोरमले फोहर व्यवस्थापनलगायतका समसामयिक विषयमा प्रधानमन्त्री वालेन्द्र साह बालेनको ध्यानाकर्षण गराउने निर्णय गरेको छ। फोरमको मङ्गलबार बसेको आकस्मिक बैठकले उक्त निर्णय गरेको फोरमका अध्यक्ष चिरीबाबु महर्जनले जानकारी दिएका छन्।

प्रधानमन्त्रीसँग जतिसक्दो चाँडो भेटघाटको समय मिलाएर उपत्यकाको फोहर व्यवस्थापन, सडकबत्तीको शुल्क व्यवस्थापन, स्थानीय तहले प्रयोग गरिरहेको जग्गाको भोगाधिकार तथा फोहर व्यवस्थापनका लागि आवश्यक जग्गा व्यवस्थापनलगायतका विषयमा ध्यानाकर्षण गराउने निर्णय गरिएको हो।