पोखरा बसपार्कका ३२५ भूमिहीन र २४२ अव्यवस्थित बसोबासीको अन्तिम सूची टुंगियो

पोखरा- पोखरा महानगरपालिका-९ पृथ्वीचोकस्थित प्रस्तावित बसपार्क क्षेत्रमा बसोबास गरिरहेका भूमिहीन र अव्यवस्थित बसोबासीको अन्तिम विवरण टुंगिएको छ।

दाबी विरोध, संशोधन र छानबिनपछि १४४ भूमिहीन दलित र १८१ भूमिहीन सुकुम्बासी गरी ३२५ परिवार भूमिहीन तथा २४२ परिवार अव्यवस्थित बसोबासी कायम भएको महानगर प्रमुख धनराज आचार्यले जानकारी दिए।