प्रहरीले गोली चलाएर भारतीय नागरिकसहित तीन लागुऔषध कारोबारी पक्राउ

रूपन्देही । मायादेवी गाउँपालिकामा हतियारसहित आएका लागुऔषध कारोबारीलाई नियन्त्रणमा लिन प्रहरीले गोली चलाएको छ । लागुऔषध नियन्त्रण व्यूरोसहित रूपन्देही प्रहरीबाट खटिएको प्रहरीले गोली प्रहार गरेर एक भारतीयसहित तीन जनालाई पक्राउ गरेको हो।

एक जना भारतीय नागरिकको खुट्टामा गोली लागेको छ । पक्राउ पर्ने लागुऔषध कारोबारी हुन् । रूपन्देही प्रहरी प्रवक्ता कृष्णकुमार चन्दका अनुसार भारतीय मोटरसाइकलमा हतियारसहित आएका उनीहरूलाई चेकचाँज गर्न खोज्दा नमानी उल्टै हतियार निकालेपछि नियन्त्रणमा लिन गोली चलाइएको हो ।