बाढीपीडितका लागि रिजाल टासी इन्डस्ट्रिजको पाँच लाख एक हजार सहयोग

भोटेकोशी नदीमा आएको विनाशकारी बाढीबाट प्रभावित नागरिकको उद्धार, राहत तथा पुनःस्थापनामा सहयोग पुर्‍याउने उद्देश्यले इटहरीस्थित रिजाल टासी इन्डस्ट्रिज प्रालिले पाँच लाख एक हजार रुपियाँ सहयोग गरेको छ ।

बाढीबाट ठुलो जनधनको क्षति भएपछि उद्योगले सामाजिक उत्तरदायित्वअन्तर्गत कम्पनी व्यवस्थापन तथा त्यहाँ कार्यरत कर्मचारी र मजदुरको सहभागितामा उक्त रकम उपलब्ध गराएको हो । उद्योगका अनुसार कम्पनी व्यवस्थापनको सहयोग तथा कर्मचारीको एक दिनको तलब बराबरको रकमसमेत समेटेर कुल पाँच लाख एक हजार रुपियाँ प्रधानमन्त्री दैवी प्रकोप उद्धार कोषमा जम्मा गरिएको छ ।