अवसरलाई आर्थिक मूल्यमा बदल्न उद्यमशील क्षमता आवश्यक : राष्ट्र बैंक

काठमाडौं । नेपाल राष्ट्र बैंकले उद्यमशीलतालाई व्यवसाय सुरु गर्ने क्षमतामा मात्र सीमित नगरी अवसर पहिचान, स्रोत व्यवस्थापन, जोखिम मूल्यांकन र योजनाको प्रभावकारी कार्यान्वयनसम्म फैलिएको समग्र क्षमताका रूपमा विकास गर्नुपर्नेमा जोड दिएको छ ।

राष्ट्र बैंकको वित्तीय समावेशिता तथा ग्राहक संरक्षण महाशाखाले मंगलबार जारी गरेको वित्तीय चेतनासम्बन्धी सन्देशमा बदलिँदो आर्थिक परिवेशमा उपलब्ध अवसरलाई आर्थिक तथा सामाजिक मूल्यमा रूपान्तरण गर्न उद्यमशील सोच र क्षमता आवश्यक रहेको उल्लेख गरिएको छ ।