ओलीले सबका 'काण्ड खोल्दिन्छु र भित्र जाक्दिन्छु' भनेपछि अध्यक्ष हटाउने योजनाबाट ब्याक भए नेताहरू

नेकपा एमालेभित्र अध्यक्ष केपी शर्मा ओलीलाई पदबाट हटाउने भित्री तयारी एकाएक रोकिएको छ। नेताहरू आफ्नो योजनाबाट रातारात पछि हट्नुको मुख्य कारण बनेको छ- अध्यक्ष ओलीको कडा धम्की।

उच्च स्रोतका अनुसार, आफूविरुद्ध भइरहेको भित्री तयारीको सुइँको पाएलगत्तै ओलीले महासचिव शंकर पोखरेल, उपाध्यक्ष विष्णु पौडेल र प्रदीप ज्ञवाली र केही पदाधिकारीलाई एक्लाएक्लै निवासमा बोलाएका थिए। एक्लाएक्लै भएको उक्त भेटमा ओलीले चेतावनी दिएको खुलेको छ ।