पेनाल्टीमा गोल गर्न चुकेका कोलम्बियाका स्टार खेलाडीलाई ज्यान मार्ने धम्की

काठमाडौं। फिफा विश्वकपबाट कोलम्बिया बाहिरिएपछि टोलीका फरवार्ड जामिन्टोन काम्पाजलाई ज्यान मार्ने धम्की आएको छ । कोलम्बियाली फुटबल महासंघ (एफसीएफ)ले यस घटनाको कडा निन्दा गर्दै दोषीलाई तत्काल पहिचान गरी कारबाही गर्न माग गरेको छ ।

महासंघले शुक्रबार जारी गरेको विज्ञप्तिमा कुनै पनि खेलाडी वा उनका परिवार तथा नजिकका व्यक्तिलाई देशको प्रतिनिधित्व गरेको कारण धम्की र त्रासमा पार्न नहुने जनाएको छ ।