नाडा अटो शोमा महालक्ष्मी विकास बैंकको सहभागिता

९ भदौ, काठमाडौं । मंगलबारदेखी भदौ १४ गतेसम्म काठमाडौंको भृकुटीमण्डपमा सञ्चालन भइरहेको १८ औं संस्करणको नाडा अटो शोमा महालक्ष्मी विकास बैंकले पनि सहभागिता जनाएको छ । गाडी खरिद गर्दा आवश्यक पर्ने कर्जा सम्बन्धमा परामर्श दिने, सहजीकरण तथा समन्वय गर्ने कार्य बैंकले गर्नेछ ।

हाल विकास बैंकहरूमा सबैभन्दा प्रतिस्पर्धी ब्याजदरमा सवारी कर्जा प्रदान गरिरहेको बैंकको दाबी छ । ‘प्रशासनिक शुल्कमा समेत विशेष छुट प्रदान गरिने छ’ बैंकले भनेको छ ‘भदौ महिनाको लागि बैंकको आधार दर ५.६४ प्रतिशत रहेको छ, जसको प्रत्यक्ष लाभ सवारी कर्जा लिने ग्राहकहरुले लिन सक्नेछन् ।’