मन्त्री पुनको प्रश्न : अपराध गर्नेलाई दण्ड नगरे समाज कस्तो हुन्छ ?

विज्ञान, प्रविधि तथा नवप्रविधि मन्त्री महावीर पुनले ट्राफिक जरिवानाबारे केही दिनअघि दिएको अभिव्यक्ति फिर्ता लिएका छन्। सामाजिक सञ्जालमार्फत माफी माग्दै उनले आफ्नो भनाइ फिर्ता लिएका हुन्।

केही दिनअघि केही युट्युबरलाई दिएको अन्तर्वार्तामा पुनले ट्राफिक नियम अटेर गर्नेलाई ५० हजार रुपैयाँ जरिवाना गर्नुपर्ने बताएका थिए। उक्त भनाइको चौतर्फी आलोचना भएपछि उनले सामाजिक सञ्जालमा लेखेका छन्, ‘केहि दिन अगाडि सोसल मिडियाका केही पत्रकारहरुलाई अन्तरवार्ता दिँदा रु. ५० हजार जरिवाना गर्नु पर्छ भनेर मैले बोलेको कुरा फिर्ता गर्दै मैले निम्न अनुसारको घोषणा गर्दछु। त्यसो गर्दा कसैलाई अज्ञानवश चोट पुगेको छ भने माफ गर्नुहोला । ट्राफिक नियमलाई अटेर गर्नेहरुले मुटुमा हात राखेर सोच्नु होला।’