अब भ्याट विवरणमा गल्ती भए कर कार्यालय धाउनु नपर्ने, सात दिनभित्र अनलाइनबाटै सच्याउन सकिने

काठमाडौं । मूल्य अभिवृद्धि कर (भ्याट) विवरणमा सामान्य गल्ती हुँदा सच्याउन कर कार्यालय पुग्नुपर्ने पुरानो झन्झट हट्ने भएको छ । आन्तरिक राजस्व विभागले परीक्षणमा ल्याएको नयाँ ‘करदाता पोर्टल’मार्फत करदाताले आफैँ अनलाइनबाट विवरण संशोधन गर्न सक्ने व्यवस्था गरेको छ ।

नयाँ प्रणालीअनुसार भ्याट विवरण पेश गरिसकेपछि अंक वा अन्य सामान्य विवरणमा त्रुटि भेटिएमा सात दिनभित्र करदाताले पोर्टलमै गएर सच्याउन सक्नेछन् । यसअघि विवरण पेश भइसकेपछि सामान्य त्रुटि समेत संशोधन गर्न सम्बन्धित कर कार्यालयमा पुग्नुपर्ने अवस्था थियो ।