बालिका हत्या आरोपमा सौतेनी आमा पक्राउ

सप्तरीको शम्भुनाथ नगरपालिका ३ मा दुई वर्षीया बालिकाको हत्या गरेको आरोपमा प्रहरीले उनकी सौतेनी आमालाई पक्राउ गरेको छ।

प्रहरीका अनुसार आइतबार बिहान करिब १०ः३५ बजे घरबाट हराएकी बालिका करिब दुई घण्टापछि घर पछाडिको झाडीमा मृत अवस्थामा फेला परेकी थिइन्। बालिका हराएको जानकारी पाएपछि परिवार र स्थानीयले खोजी गर्दा झाडीमा शव भेटिएको थियो।