विद्या भण्डारीको सदस्यता विवाद पनि एमाले पराजयको कारण

९ भदौ, काठमाडौं । नेकपा एमालेको पार्टी पुनर्गठन सुझाव संकलन कार्यदलले पूर्वराष्ट्रपति विद्यादेवी भण्डारीको सदस्यता सम्बन्धि विवादलाई पनि चुनावी पराजयको एक कारण मानेको छ ।

महासचिव शंकर पोखरेलले तयार पारेर कार्यदलका संयोजक रामबहादुर थापालाई बुझाएको प्रतिवेदनमा एमालेले पराजय बेहोर्नुको विभिन्न ६ कारण उल्लेख गरिएको छ । ती कारणहरूमध्ये पार्टीभित्रको आन्तरिक समस्या पनि राखिएको छ ।