सीमा, राष्ट्रियता र सरकारको कार्यशैलीसम्मका विषयमा प्रधानमन्त्रीसँग प्रश्न सोधिने

काठमाडौ । प्रधानमन्त्री बालेन्द्र शाहले बुधबार प्रतिनिधिसभामा सांसदका प्रश्नको प्रत्यक्ष जवाफ दिने भएका छन्।

प्रधानमन्त्रीसँग प्रत्यक्ष प्रश्नोत्तर कार्यक्रममा सांसदहरूले सीमा, राष्ट्रियता, सरकारको कामकारबाही र कार्यशैली लगायतका विषयमा प्रश्न गर्ने भएका छन्। प्रतिनिधिसभा सचिवालयका अनुसार प्रधानमन्त्रीलाई सोधिने प्रश्नहरू तयार भइसकेका छन्। तर प्रश्नको विषय भने कार्यक्रम सुरु भएपछि मात्रै सार्वजनिक हुने गरी व्यवस्थापन गरिएको छ।