पोखरा–दुबई उडानलाई दीगो बनाउने प्रयास

पोखरालाई सिधैं मध्यपूर्वको गन्तव्यसम्म जोड्नेगरि आगामि सेप्टेम्बर २३ (असोज ७) देखि पोखरा–दुबई रुटमा सिधा हवाई उडान सुरु हुँदैछ। उडानलाई निरन्तरता दिलाउनका लागि अहिले हवाई कम्पनि सहित पोखराका पर्यटन व्यावसायी र नेपालका लागि यूनाइटेड अरब इमिरेट्स (यूएइ) का राजदूत समेत सक्रिय बनेका छन्।

उडानलाई दीगो बनाउनका लागि आवश्यक पहल गर्ने क्रममा नेपालका लागि यूएइका राजदूत अब्दुल्लाह साइद मुबारक जरवान अलसाम्सी र पोखराका पर्यटन व्यावसायीबीच छलफल पनि भएको छ। छलफलमा यो उडानलाई दीगो बनाउनका लागि सबैको पहल हुनुपर्नेमा सबैको जोड थियो।