विकल्पबिना होल्डिङ सेन्टरबाट सुकुम्बासी हटाइए

नागार्जुन–इचङकुनारायणस्थित होल्डिङ सेन्टरमा अस्थायी रूपमा बस्दै आएका सुकुम्बासी परिवारलाई शनिबार त्यहाँबाट हटाइएको छ। अधिकार सम्पन्न बागमती सभ्यता एकीकृत विकास समितिको निर्देशनअनुसार होल्डिङ सेन्टर खाली गराइएको हो।

समितिले यसअघि असार १९ गतेभित्र होल्डिङ सेन्टर खाली गर्न निर्देशन दिएको थियो। पछि समयसीमा थप गर्दै असार २७ सम्म बस्न अनुमति दिइएको थियो। अन्ततः निर्धारित समय सकिएसँगै त्यहाँ रहेका परिवारलाई स्थान छाड्न लगाइएको हो।