रास्वपामा एकै परिवारका एक जनाभन्दा बढी समान कमिटीमा रहन नपाउने प्रस्ताव

राष्ट्रिय स्वतन्त्र पार्टीले प्रस्तावित विधानमा परिवारवाद र नातावादको पूर्ण निषेध गर्ने उल्लेख गरेको छ।

सहमहामन्त्री विपिनकुमार आचार्य नेतृत्वको कार्यदलले तयार पारी केन्द्रीय सदस्यहरूलाई वितरण गरिएको प्रस्तावित विधानमा पार्टीमा एकै परिवारका एक जनाभन्दा बढी सदस्य कुनै समान तहको समिति, विभाग, आयोग वा संयन्त्रमा नियुक्ति, मनोनीत वा निर्वाचित हुन नपाउने व्यवस्था गरिएको छ।