संस्थापन पक्षको गतिविधि रोक्न माग गर्दै देउवाले दायर गरेको रिटमा के छ ? (पूर्णपाठ)

काठमाडौँ। नेपाली कांग्रेसभित्रको आन्तरिक विवाद पुनः सर्वोच्च अदालत पुगेको छ । निवर्तमान पार्टी सभापति शेरबहादुर देउवाका वारेस दीपक खड्काले साेमबार (भदौ ८ गते) सर्वोच्च अदालतमा सभापति गगन थापा,उपसभापति विश्वप्रकाश शर्मा नेतृत्व(संस्थापन पक्ष)ले गरिरहेका गतिविधि रोक्न माग गर्दै रिट निवेदन दायर गरेका छन् ।

रिटमा निर्वाचन आयोग, गगन थापा, विश्वप्रकाश शर्मा र विशेष महाधिवेशनबाट गठित केन्द्रीय कार्यसमितिलाई विपक्षी बनाइएको छ । देउवा पक्षले १४औँ महाधिवेशनबाट निर्वाचित नेतृत्व नै आधिकारिक भएको र विशेष महाधिवेशन भनिएको भेला तथा त्यसबाट चयन भएको नेतृत्व गैरकानुनी र असंवैधानिक भएको दाबी गरेको छ ।