पाँच वर्षमै जीर्ण बन्यो राउटे वस्तिको सोलार लिफ्ट सिँचाइ योजना

डडेल्धुरा । भित्रीमधेशस्थित लोपोन्मुख राउटे समुदायको बसोबास रहेको परशुराम नगरपालिका–१२, आमपानीमा निर्माण गरिएको सोलार लिफ्ट सिँचाइ योजना सञ्चालनमा आएको केही वर्षमै जीर्ण बनेको छ । राउटे बस्तीमा कृषि उत्पादन बढाउन तथा सिँचाइ सुविधा पु¥याउने उद्देश्यले निर्माण गरिएको जिल्लाकै ठूलो सोलार लिफ्ट सिँचाइ योजना अहिले प्रयोगविहीन अवस्थामा पुगेको हो ।

रंगुन नदीबाट सोलार प्रविधिमार्फत पानी तानेर बस्ती आसपासको ४५ बिघा खेतीयोग्य जमिनमा सिँचाइ गर्ने उद्देश्यले करिब पाँच वर्षअघि सुदूरपश्चिम प्रदेश सरकारको जलश्रोत तथा सिँचाई विकास डिभिजन कार्यालय डडेल्धुराको करिब ६५ लाख रुपियाँ लगानीमा योजना निर्माण गरिएको थियो । योजना निर्माण सम्पन्न भएपछि राउटेहरुले खेतबारीमा अन्नबाली तथा तरकारी खेती गर्न सिँचाइ सुविधा पाउने अपेक्षा गरेका थिए ।