भ्रम

रामबहादुर चिन्तित मुहारमा खेतको डिलमा बसेका थिए। त्यत्तिकैमा हातमा रेडियो र मुखमा चुरोट च्यापेर हरिप्रसाद आइपुग्यो, "के छ रामे दाजु? यसपालि त धानको बीउ खेतमै डढ्ने भो! त्यो रित्तो बोरा समातेर किन बसेको नि?"

रामबहादुरले लामो सुस्केरा हाल्दै भने, "के गर्नु हरि भाइ, आकाशमा बादल छैन। सहकारीमा मल लिन गएको, लाइन बस्दाबस्दै पालो आउने बेला 'मल सकियो' भन्दिए। यो रित्तो बोरा अब सरकारलाई उपहार पठाउनुपर्ला जस्तो छ।"