गोठालाको चौरमा पर्यटकको पाइला!

बिहानको घाम चौरमाथि आइपुग्दा चेरेचौरको हरियाली बिस्तारै खुल्दै जान्छ। टाढा डाँफे लेकको डाँडो, पारिपट्टि धिमीचौर र तल देखिने खलंगाको फराकिलो फाँट। बीचमा गाईभैंसीका घण्टी बजिरहेका हुन्छन्। भेडाका बथान चौरभरि छरिएका हुन्छन्। गोठालाहरू दूध दुहुन, पशुवस्तु चराउन र पाहुनालाई दही खुवाउन व्यस्त हुन्छन्।

केही वर्षअघिसम्म यो दृश्य स्थानीय गोठालाको दैनिक जीवनको हिस्सा मात्रै थियो। अहिले त्यही दृश्य मोबाइलको क्यामेरामा कैद हुन थालेको छ।