एमाले कार्यदल प्रतिवेदन : विशेष महाधिवेशनको मागलाई अनुशासनहीन भन्न मिल्दैन

९ भदौ, काठमाडौं । नेकपा एमाले पुनर्गठन सुझाव कार्यदलको प्रतिवेदनले पार्टीभित्र विशेष महाधिवेशनको माग उठ्नुलाई अराजकता र अनुशासनहीन भन्न नमिल्ने तर्क गरेको छ ।

पार्टी पुनर्गठनका निम्ति नेतृत्व आफैले अग्रसरता नलिदा विशेष महाधिवेशन बोलाउन सकिने विधानमै व्यवस्था रहेको प्रतिवेदनमा भनिएको छ । ‘विशेष महाधिवेशन एकप्रकारले नेतृत्वको चाहना बिपरीत आयोजना हुने वैधानिक व्यवस्था हो,’ प्रतिवेदनमा लेखिएको छ, ‘यस प्रकारको वैधानिक व्यवस्थाको प्रयोग अपवाद बाहेकको अवस्थामा गर्नु उचित हुँदैन ।’