हिमालय कलेज अफ इन्जिनियरिङद्वारा ‘हिमालय एक्जिबिसन २०२६’ भव्य रूपमा सम्पन्न

काठमाडौं । ललितपुरको च्यासलस्थित हिमालय कलेज अफ इन्जिनियरिङको आयोजनामा ‘हिमालय एक्जिबिसन २०२६’ भव्यताका साथ सम्पन्न भएको छ।

विद्यार्थीहरूले तयार पारेका विभिन्न इन्जिनियरिङ परियोजना, प्रोटोटाइप, अनुसन्धान तथा नवप्रवर्तनात्मक सिर्जनाहरूलाई एकै थलोमा प्रस्तुत गर्ने उद्देश्यले आयोजना गरिएको यस कार्यक्रमस २ दिन चलेकाे थियाे । पहिलाे दिन शुक्रबार त्रिभुवन विश्वविद्यालय इन्स्टिच्युट अफ इन्जिनियरिङ (आईओई)का डीन प्रा. डा. सुशिल बहादुर बज्राचार्यको प्रमुख आतिथ्यतामा कार्यक्रम उद्घाटन गरिएको थियो। विविध कारण केही वर्ष रोकिन पुगेको यो ऐतिहासिक प्रदर्शनी सन् २०२३ पछि पहिलो पटक भव्य रूपमा पुन: सञ्चालनमा ल्याइएको हो।