डिडिसीमा ‘व्यापक भ्रष्टाचार र बेथिति’को आरोप: कृषि मन्त्रालय नै मुख्य जिम्मेवार!

सरकारी स्वामित्वको दुग्ध विकास संस्थान (डिडिसी) मा व्यापक भ्रष्टाचार, अनियमितता र व्यवस्थापकीय बेथिति रहेको आरोप लगाउँदै संस्थानका पूर्व सञ्चालक समिति अध्यक्ष डा. वेदबहादुर क्षेत्री ले कृषि तथा पशुपन्छी विकास मन्त्रालयलाई मुख्य जिम्मेवार ठहराएका छन्।

शनिबार राजधानीमा आयोजित एक कार्यक्रममा बोल्दै डा. क्षेत्रीले आर्थिक वर्ष २०७४/७५ सम्म निरन्तर नाफामा रहेको डिडिसी अहिले डेढ अर्ब रुपैयाँभन्दा बढी घाटामा पुग्नु गम्भीर चिन्ताको विषय भएको बताए। संस्थानलाई सुधार गर्न आफूले कृषि मन्त्रालयदेखि विभिन्न सरकारी निकायसम्म पटक–पटक ध्यानाकर्षण गराए पनि कुनै सुनुवाइ नभएको उनको गुनासो थियो।