ट्रम्पको करको जवाफमा क्यानडाले लगायो २० अर्ब डलरका अमेरिकी सामानमा कर

अमेरिका र क्यानडाबिचको व्यापार युद्ध थप चर्किएको छ। क्यानडाले मंगलबार करिब २० अर्ब अमेरिकी डलर बराबरका अमेरिकी सामानमा प्रतिशोधात्मक कर लगाउने घोषणा गरेको छ।

स्टील, आल्मुनियम, फर्निचर, कपडा, दुग्धजन्य पदार्थ, उपकरण, समुद्री खाना र कृषि उपकरणसहित ७०० भन्दा बढी अमेरिकी उत्पादनमा नयाँ कर लगाइने भएको हो। क्यानडाले लगाएको नयाँ कर सेप्टेम्बर ८ देखि लागू हुनेछ। विभिन्न सामानमा १५ प्रतिशत, २५ प्रतिशत र ५० प्रतिशतसम्म कर लाग्नेछ। केही स्टील र आल्मुनियमका सामान, फर्निचर तथा कपडामा ५० प्रतिशत कर लाग्नेछ भने चीज, उपकरण, माछा तथा समुद्री खानालगायतका केही सामानमा २५ प्रतिशत कर लाग्नेछ। इलेक्ट्रोनिक्स र केही उपकरणमा १५ प्रतिशत कर लगाइनेछ।