अपराध अनुसन्धानलाई प्रभावकारी बनाउन बागमती सरकार प्रतिबद्ध: मुख्यमन्त्री बानियाँ

हेटौँडा । बागमती प्रदेशका मुख्यमन्त्री इन्द्रबहादुर बानियाँले अपराध अनुसन्धानलाई प्रविधिमैत्री र प्रभावकारी बनाउन सरकार प्रतिवद्ध रहेको बताएका छन् । उनले अपराधको बदलिँदो स्वरूप अनुसार प्रहरीलाई अनुसन्धानलाई प्रभावकारी बनाउन प्रदेश सरकारले पूर्ण सहयोग गर्ने बताए ।

बुधबार हेटौंडामा आयोजित बागमती प्रदेश स्तरीय अपराध अनुसन्धान गोष्ठीलाई सम्बोधन गर्दै मुख्यमन्त्री बानियाँले सुरक्षा र न्यायको क्षेत्रमा प्रदेश सरकारका तर्फबाट योगदान गर्न तयार रहेको बताए । अपराधीलाई कानुनी दायरामा ल्याउनु प्रहरीको मुख्य जिम्मेवारी भए पनि कुनै पनि निरपराध व्यक्ति अन्यायमा पर्न नहुने उनको भनाई छ ।