सोमेश्वरगढीमा प्रधानसेनापति अभिमानसिंहको शालिक अनावरण

समुद्र सतहबाट ८८० मिटरको उचाइमा रहेको चितवनको माडी नगरपालिकास्थित ऐतिहासिक सोमेश्वरगढीमा प्रधानसेनापति ९काजी० अभिमानसिंह बस्न्यातको पूर्णकदको शालिक अनावरण गरिएको छ। माडी नगरपालिका र नेपाली सेना श्री नयाँ गोरख गणको संयुक्त सहकार्यमा निर्माण गरिएको शालिक अनावरणसँगै पार्कले पूर्णता पाएको छ।

नेपाली सेना मध्य पृतनापति उपरथी विष्णुकुमार खड्काले महान् योद्धा तथा सोमेश्वरगढी विजयका नायक बस्न्यातको सम्मान, श्रद्धा र स्मरणस्वरूप शालिक अनावरण गरे। पूर्ण सैनिक पोसाकमा, बायाँ हातमा ढाल, दायाँ हातमा तरबार र कम्मरमा खुकुरीसहित उभिएको शालिकले नेपाल एकीकरणको वीरगाथा र राष्ट्रिय स्वाभिमानको सन्देश दिने विश्वास उनले व्यक्त गरे।