भियतनाममा भारतीय पर्यटक सवार स्पिडबोट पल्टिँदा १५ जनाको मृत्यु

भियतनामको फु क्वक टापु नजिकै भारतीय पर्यटकहरूको एउटा समूह सवार स्पिडबोट पल्टिँदा १५ जनाको मृत्यु भएको छ । अधिकारीहरूबाट प्राप्त प्रारम्भिक जानकारीअनुसार ३२ जना पर्यटक, केही चालक दलका सदस्य र फ्लाइट एटेन्डेन्ट सवार उक्त स्पिडबोट शनिबार दिउँसो करिब १ बजे पल्टिएको हो।

तुओइ त्रे समाचार एजेन्सीका अनुसार दुर्घटनामा परेका २३ जनालाई उद्धार गरी किनारमा ल्याइएको छ र उनीहरूको उपचार भइरहेको छ। एजी २६७५१ दर्ता नम्बर रहेको उक्त स्पिडबोट मिन्ह हुई फु क्वक ट्रेडिङ एन्ड टुरिजम कम्पनी लिमिटेडको रहेको खुलेको छ।