अत्यधिक कुहिरोका कारण दुर्घटनास्थलमा अवतरण गर्न सकेन हेलिकप्टर, चैनपुर फर्कियो

बझाङ । बझाङको केदारस्युँ गाउँपालिका–७ र दुर्गाथली गाउँपालिकाको सीमाक्षेत्रमा भएको बोलेरो जिप दुर्घटनाका गम्भीर घाइतेहरूको उद्धारका लागि पठाइएको हेलिकप्टर अत्यधिक कुहिरोका कारण दुर्घटनास्थलमा अवतरण गर्न नसकी चैनपुर फर्किएको छ।

दुर्घटनास्थलमा बाक्लो कुहिरोका कारण दृश्यता अत्यन्त न्यून भएपछि हेलिकप्टरले सुरक्षित रूपमा अवतरण गर्न नसकेको हो। त्यसपछि गम्भीर घाइतेहरूलाई एम्बुलेन्समार्फत जिल्ला सदरमुकाम चैनपुर ल्याइने तयारी गरिएको छ।