अब क्यालेण्डर बनाएर रासायनिक मल वितरण गरिने : मन्त्री चौधरी

कृषि तथा पशुपन्छी तथा वन तथा वातावरणमन्त्री गीता चौधरीले आगामी वर्षदेखि पूर्वनिर्धारित क्यालेण्डरका आधारमा देशभर रासायनिक मल वितरण गरिने बताएकी छन्।

चितवनको कुमरोजमा शनिबार राष्ट्रिय कृषि आधुनिकीकरण कार्यक्रमअन्तर्गत आयोजित किसानसँगको अन्तरक्रिया कार्यक्रममा बोल्दै मन्त्री चौधरीले यस वर्ष समयमा मल उपलब्ध गराउन नसकेको स्वीकार गर्दै आगामी दिनमा यस्तो समस्या दोहोरिन नदिने प्रतिबद्धता व्यक्त गरिन्।