विश्वकप खेलेका दक्षिण अफ्रिकी मिडफिल्डर जेडेन एडम्सको २५ वर्षमै निधन

दक्षिण अफ्रिकाका अन्तर्राष्ट्रिय मिडफिल्डर जेडेन एडम्सको २५ वर्षको उमेरमा निधन भएको छ । दक्षिण अफ्रिकाको खेल मन्त्रालयले शनिबार उनको निधन भएको पुष्टि गरेको छ । तर उनको मृत्युको कारण भने खुलाइएको छैन ।

एडम्सले सन् २०२६ फिफा विश्वकपमा दक्षिण अफ्रिकाका लागि समूह चरणका तीनवटै खेल खेलेका थिए । उनले मेक्सिको र चेक गणतन्त्रविरुद्धको खेलमा सुरुआती रोजाइमा स्थान बनाएका थिए भने दक्षिण कोरियाविरुद्ध १–० को जितमा वैकल्पिक खेलाडीका रूपमा मैदान प्रवेश गरेका थिए । उक्त जितसँगै दक्षिण अफ्रिकाले पहिलो पटक विश्वकपको नकआउट चरणमा स्थान बनाएको थियो । नकआउट चरणमा भने टोली क्यानडासँग पराजित भएको थियो ।