सरकारी अनुदानका खानेपानी स्रोतबाट चर्को शुल्क नलिन प्रशासनको चेतावनी

जनकपुरधाम। मनसुनी वर्षा सुरु भइसके पनि धनुषाका विभिन्न क्षेत्रमा खडेरी र खानेपानीको समस्या देखिएपछि जिल्ला प्रशासन कार्यालय धनुषाले सरकारी अनुदानमा जडान गरिएका भूमिगत खानेपानीका स्रोतबाट चर्को शुल्क नलिन सम्बन्धित पक्षलाई चेतावनी दिएको छ ।

प्रमुख जिल्ला अधिकारी प्रेमप्रसाद लुइटेलद्वारा शुक्रबार जारी सूचनामा कमला नगरपालिका लगायत जिल्लाका केही स्थानीय तहका वडा तथा बस्तीमा बोरिङ, डिप बोरिङ तथा अन्य पानीका स्रोतबाट पर्याप्त पानी नआउँदा खानेपानीको समस्या उत्पन्न भएको उल्लेख गरिएको छ ।