आईपीएलमा पञ्जाबको लगातार छैटौं हार

काठमाडौं । इण्डियन प्रिमियर लिगअन्तर्गत रोयल च्यालेन्जर्स बेंगालुरुले पञ्जाब किंग्सलाई २३ रनले पराजित गरेको छ।

धर्मशालामा भएको रोमाञ्चक खेलमा टस हारेर पहिले ब्याटिङको निम्तो पाएको बेंगालुरुले निर्धारित २० ओभरमा ४ विकेट गुमाउँदै २२२ रनको विशाल योगफल तयार पारेको थियो। २२३ रनको लक्ष्य पछ्याएको पञ्जाब किंग्सले २० ओभरमा ८ विकेट गुमाएर १९९ रन मात्र बनाउन सक्यो। यो पञ्जाबको लगातार छैटौं हार हो ।