आज प्रतिनिधिसभामा सांसदका प्रश्नको जवाफ दिँदै प्रधानमन्त्री शाह

काठमाडौ सभामुख डिपी अर्यालले संसदमा उपस्थित भएर सांसदले राखेका प्रश्नक जवाफ दिन रुलिङ गरेपछि आज प्रधानमन्त्री वालेन्द्र शाहले सांसदका प्रश्नको जवाफ दिने भएका छन् । उनले पहिलो पटक प्रतिनिधिसभा नियमावलीको व्यवस्थाअनुसार सांसदका प्रश्नको उत्तर दिन लागेका हुन् ।

यही १ भदौको बैठकमा सभामुख डीपी अर्यालले प्रधानमन्त्री शाहलाई संसद्मा आएर सांसदको प्रश्नको जवाफ दिन रुलिङ गरेका थिए । ‘प्रतिनिधिसभाको बैठकमा उपस्थित भई नियमावलीको नियम ५६, ५७, ५८, ५९ र ६० बमोजिम माननीय सदस्यहरूको प्रश्नको जवाफ दिन म सम्माननीय प्रधानमन्त्रीलाई निर्देश गर्छु,’ उनले निर्देशन दिँदै भनेका थिए, ‘प्रधानमन्त्रीसँग प्रत्यक्ष प्रश्नोत्तरसम्बन्धी कार्यक्रम १० भदौको बैठकमा हुने गरी निर्धारण गरेको व्यहोरा जानकारी गराउँछु ।’