आज नेपाल र अष्ट्रेलियन क्यापिटल टेरिटोरी भिड्दै

काठमाडौं, भदौ १० । अष्ट्रेलियामा जारी टप एण्ड टी-२० सिरिज अन्तर्गत आज हुने खेलमा नेपाल ‘ए’ले अष्ट्रेलियन क्यापिटल टेरिटोरीसँग प्रतिस्पर्धा गर्दैछ । डार्विनस्थित मर्रारा क्रिकेट मैदानमा हुने खेल दिउँसो ३:१५ बजे शुरु हुनेछ ।

नेपाल आज लगातार दोस्रो जितको खोजीमा हुनेछ । पहिलो खेलमा नर्दन टेरिटोरी स्ट्राइकसँग ८ विकेट र दोस्रो खेलमा बंगालदेश हाइप्रफरमेन्स ११ सँग ९ विकेटले पराजित भएको नेपालले तेस्रो खेलमा होबर्ट हुरिकेन्स एकेडेमीलाई ३९ रनले हराएको थियो ।