५६ वर्षीया महिलालाई सुतिरहेको बेला बलात्कार गर्ने युवक पक्राउ

काठमाडौँ- तेह्रथुममा ५६ वर्षीया महिलामाथि जबरजस्ती करणी गरेको आरोपमा एक पुरुष पक्राउ परेका छन् । तेह्रथुमको छथर गाउँपालिका २ आफ्नै निवासमा सुतिरहेकै बेला सोमबार ती महिलालाई सोही स्थानका ४४ वर्षीय लिलमबहादुर लिम्बुले जबरजस्ती करणी गरेको नेपाल प्रहरीको केन्द्रीय विभागले जनाएको छ। प्रहरीले लिलमबहादुर लिम्बुलाई सोही दिन नियन्त्रणमा लिएको छ।

महिलाले सोही दिन इलाका प्रहरी कार्यालय बसन्तपुरमा जाहेरी दिएपछि आरोपितको स्वास्थ्य परीक्षण (मेडिकल) गरी प्रहरी हिरासतमा राखिएको छ। घटनाबारे थप आवश्यक अनुसन्धान भइरहेको छ ।