राजमार्गको अवस्था : राजदूवाली २ महिनादेखि ठप्प, त्रिशुली-मैजुङ-स्याफ्रुबेंसी खुल्न अझै समय लाग्ने

काठमाडौँ- विभिन्न कारणले देशका विभिन्न मुख्य राजमार्गमा सवारी आवागमन प्रभावित भएको छ। नेपाल प्रहरीको तथ्याङ्क अनुसार कोशी, बागमती र कर्णाली प्रदेशका केही सडक खण्डहरू पूर्ण रूपमा अवरुद्ध छन् भने केही स्थानमा सुरक्षाका कारण रात्रिकालीन यात्रामा रोक लगाइएको छ।

कोशी प्रदेशको मेची राजमार्ग अन्तर्गत इलाम नगरपालिका ९ को राजदुवालीमा अविरल वर्षाका कारण सडक अवरुद्ध भएको छ। यद्यपि, त्यहाँ वैकल्पिक बाटोको व्यवस्था रहेको प्रहरीले जनाएको छ।