टप एन्ड टी-२० सिरिजमा नेपालले एसीटी कोमेट्ससँग खेल्दै

१० भदौ, काठमाडौं । अस्ट्रेलियाको नर्थन टेरिटोरीमा जारी टप एन्ड टी–२० सिरिजको आफ्नो चौथो खेलमा नेपालले आज अस्ट्रेलियन क्यापिटल टेरिटोरी (एसीटी) कोमेट्ससँग खेल्दै छ ।

नेपाल ए र एसीटीबीचको खेल नेपाली समयअनुसार दिउँसो सवा ३ बजेदेखि सुरु हुनेछ । सुरुवाती दुई खेलमा पराजित भएको नेपाल ए ले सोमबार होबार्ट हरिकेन्स एकेडेमीलाई हराउँदै पहिलो जित हासिल गरेको थियो ।